ЭРТА ЁШДАГИ БОЛАЛАРДА КАРДИОХИРУРГИК АРАЛАШУВЛАРДАН СЎНГ СУЮҚЛИК БАЛАНСИ, ВЕНОЗ КОНГЕСТИЯ ВА ПЕРИТОНЕАЛ ДИАЛИЗНИ ЎЗ ВАҚТИДА БОШЛАШНИНГ АҲАМИЯТИ
Abstract
Долзарблиги. Операциядан кейинги даврда суюқликнинг ортиқча тўпланиши интерстициал шиш, тизимли веноз босимнинг ошиши ва аъзолар микроциркуляциясининг ёмонлашувига олиб келади. Эрта ёшдаги болаларда гипергидратация бир вақтнинг ўзида буйрак экскретор функцияси пасайишининг оқибати ва кардиохирургия билан боғлиқ ўткир буйрак шикастланиши (КХ-ЎБШ) кейинги ривожланишига сабаб бўлувчи омил ҳисобланади. Буйрак ўрнини босувчи терапияни (БЎБТ), хусусан, эрта ёшдаги болаларда асосий усул бўлган перитонеал диализни (ПД) бошлашнинг мақбул муддатлари ва мезонлари ҳамон мунозарали бўлиб қолмоқда [1–4].